Vijay Kudal has posted a new item, '[VijayKudal] Laukik-Alaukik (Gujarati)'

to translate this article to Language of your choice.

મૃત પુત્રીએ સ્વપ્નમાં આવીને માતાને પોતાના પુનર્જન્મની ઘોષણા કરી

લૌકિક-અલૌકિક – સલિલ પટેલ
મૃત દીકરીએ સ્વપ્નમાં કહ્યું કે મારા પહેલાં પણ કોઈ અન્ય આત્મા અહીંયાં જન્મ લેવાની ઇચ્છા રાખે છે, જે મારી બહેન છે. કદાચ એ જ હશે જેનો ગર્ભપાત થઈ ગયો હતો અને અમે બંને બહેનો એક જ સમયે જન્મ લઈશું. આ અદ્ભુત સંદેશાને સાંભળીને બંને પતિ-પત્ની આશ્ચર્યચકિત થઈ ગયાં, કારણ કે તેઓ માનતા હતાં કે હવે તેમને ત્યાં ક્યારેય કોઈ સંતાનનો જન્મ થશે નહીં

પુનર્જન્મની ધારણા પર એક જાણીતા શોધકર્તા રોયસ્ટીમૈને 'આઈ એમ કમિંગ બેક' નામના શીર્ષક પર વિચિત્ર વિવરણ રજૂ કર્યું છે, જે પુનર્જન્મના સિદ્ધાંતને સારી રીતે પ્રમાણિત કરે છે. પોતાની પાંચ વર્ષની પુત્રી એલેકજેન્ડરીનાનું મૃત્યુ તથા તેના પછી ફરી એક વખત ગર્ભપાત થયા પછી શ્રીમતી સૈમોનાએ પોતાનું ઓપરેશન કરાવી લીધું, પરંતુ મૃત પુત્રી એલેકજેન્ડરીનાએ પોતાની માતાને સ્વપ્નમાં આવીને પુનર્જન્મ લેવાની ઘોષણા કરી. પુનર્જન્મની આ અદ્ભુત ઘટના સિસલીના પાલેરમો શહેરમાં ઘટી. કારમૈલો સૈમોના આ શહેરનાં એક પ્રતિષ્ઠિત ફિઝિશિયન છે. વિવાહ થયા પછી એમની એક તમન્ના હતી કે એમને ત્યાં સૌ પ્રથમ પુત્રી જન્મ લે. કારમૈલો સૈમોનાને ત્યાં જ્યારે એલેકજેન્ડરીનાએ જન્મ લીધો તો બંને પતિ-પત્ની ફૂલ સમાન પુત્રીને મેળવીને બહુ જ ખુશ થયાં હતાં, પરંતુ એમને એ વાતની ખબર નહોતી કે એમની આ ખુશી બહુ થોડા સમય માટે જ હતી. તેમની પુત્રી તો હજુ બોલવાનું શીખી હતી અને સ્કૂલમાં પ્રવેશ કરાવવા માટે તૈયારી થઈ રહી હતી કે તેને 'મેનેન્જાઇટિસ' નામનો ભયંકર રોગ થઈ ગયો. કારમૈલો સૈમોના ખુદ એક કુશળ ફિઝિશિયન હતાં, પરંતુ પોતાના તરફથી ભરપૂર પ્રયાસ કરવા છતાં પણ તેઓ પોતાની પુત્રીને બચાવી ન શક્યાં અને અંતમાં ૧૫ માર્ચ, ૧૯૯૦ના રોજ એલેકજેન્ડરીનાનું મૃત્યુ થઈ ગયું. શ્રીમતી સૈમોના એ વખતે ગર્ભવતી હતી. તેમને પુત્રીના મૃત્યુનો એટલો બધો ઊંડો આઘાત લાગ્યો કે એ આઘાતને કારણે તેમને ગર્ભપાત થઈ ગયો. આ ઘટનાને કારણે એ એટલા નિર્બળ થઈ ગયાં કે ડોક્ટરે તેમને ઓપરેશન કરાવી લેવાની સલાહ આપી અને કહ્યું કે કદાચ જ તેઓ ભવિષ્યમાં માતા નહીં બની શકે! પરંતુ શ્રીમતી સૈમોનાની સાથે એક વિચિત્ર અને અલૌકિક ઘટના બની ગઈ. આ ઓપરેશનના બરાબર ત્રણ દિવસ પછી તેમને સ્વપ્નમાં એલેકજેન્ડરીના દેખાઈ. મૃત્યુના સમયે તે પાંચ વર્ષની હતી અને દરેક વખતે ચાલાક અને હસમુખી લાગતી હતી. સ્વપ્નમાં પણ તે એવી જ દેખાઈ હતી. એલેકજેન્ડરીનાએ સ્વપ્નમાં માતાને ઢંઢોળીને જણાવ્યું કે, "દુઃખી થવાની કોઈ જરૂર નથી અને તે હવે શોકમગ્ન રહેવાનું બંધ કરી દે. હું હંમેશ માટે થોડી તારાથી દૂર થઈ ગઈ છું. હું ફરીથી આવીશ અને તારી ગોદમાં રમીશ." આ અદ્ભુત સ્વપ્ને શ્રીમતી સૈમોનાને વધારે બેચેન કરી દીધાં. જો તેઓ પોતાના સ્વપ્ન પર વિશ્વાસ કરે તો વિચારતાં કે શું આવું થવું સંભવ છે? અને જો અવિશ્વાસ કરે તો પોતાના સ્વપ્નમાં દેખાતી પોતાની પુત્રીનું મોઢું તેને વ્યાકુળ બનાવી દેતું હતું. સૈમોના દંપતીએ સ્વપ્ન પર વિશ્વાસ કર્યો. તેમણે જાણકાર લોકોનો સંપર્ક સાધ્યો અને જ્યારે તેમને એ લોકો દ્વારા સંદેશો મળ્યો કે તેમની દીકરી ફરી જન્મ લેવા માગે છે, ત્યારે તેઓ આશ્ચર્યચકિત થઈ ગયાં. દીકરીએ સંદેશમાં તેમને કહ્યું કે તે તેમને ત્યાં પુનર્જન્મ લેવાની ઇચ્છા ધરાવે છે. તથા એક બીજું પણ રહસ્ય ઉદ્ઘાટિત કર્યું કે મારા પહેલાં પણ કોઈ અન્ય આત્મા અહીંયાં જન્મ લેવાની ઇચ્છા રાખે છે, જે મારી બહેન છે. કદાચ એ જ હશે જેનો ગર્ભપાત થઈ ગયો હતો અને અમે બંને બહેનો એક જ સમયે જન્મ લઈશું. આ અદ્ભુત સંદેશાને સાંભળીને બંને પતિ-પત્ની આશ્ચર્યચકિત થઈ ગયાં, કારણ કે તેઓ એવા વિશ્વાસ તથા ગલતફહમીમાં હતાં કે હવે તેમને ત્યાં ક્યારેય કોઈ સંતાનનો જન્મ થશે નહીં. પરંતુ બરાબર ૨૨મી ડિસેમ્બર, ૧૯૧૦ના દિવસે શ્રીમતી સૈમોનાએ બે પુત્રીઓને જન્મ આપ્યો. બંને પુત્રીઓનું નામકરણ કરવામાં આવ્યું. મોટી પુત્રીનું નામ એલેકજેન્ડરીના અને નાની પુત્રીનું નામ મારિયાપેસ રાખવામાં આવ્યું. આ બંને પુત્રીઓમાં સૌથી આશ્ચર્યચકિત કરનાર વાત એ હતી કે મોટી એલેકજેન્ડરીનાનું મોઢું હૂબહૂ પોતાની મૃત પુત્રીને મળતું હતું. એને જોઈને એવું ન લાગે કે તે અલગ વ્યક્તિ છે, પરંતુ તે એ જ હતી, જે ફરીથી જન્મ લઈને શ્રીમતી સૈમોનના ખોળામાં આવી ગઈ. પુત્રીઓના પિતા સૈમોનાએ પહેલી એલેકજેન્ડરીના અને પુનર્જન્મ પછીની એલેકજેન્ડરીનાની સમાનતાઓનું એક લાંબું લિસ્ટ તૈયાર કર્યું અને જ્યારે પુત્રીઓ મોટી થઈ, બોલતાં ચાલતાં શીખી ગઈ તો તેણે પોતાના પૂર્વજન્મની વાતો કરવાનું શરૂ કર્યું. તેને બધી જ વાતની ખબર હતી. પૂર્વજન્મમાં પોતાની પાંચ વર્ષની વયથી પોતાના મૃત્યુ સુધીના ઘટના એલેકજેન્ડરીનાને બધું જ યાદ હતું. આ રીતે બંને પુત્રીઓ પરિવારમાં હસતાં-ખેલતાં મોટી થવા લાગી.