Vijay Kudal has posted a new item, '[VijayKudal] Gujarati article by Salil Patel'

to translate this article to Language of your choice.

કૃપા કરી મને છોડી દો લિંકન!

લૌકિક-અલૌકિક – સલિલ પટેલ
અમેરિકાના પૂર્વ પ્રેસિડેન્ટ જ્હોન એફ. કેનેડીની હત્યાના થોડા દિવસ પહેલાં લિંકનનું ભૂત વ્હાઇટ હાઉસમાં દેખાયું હતું. કહેવાય છે કે લિંકનના ભૂતે પ્રેસિડેન્ટ કેનેડીને બંદૂકની ગોળીઓથી બચવા સલાહ આપી હતી, પરંતુ કેનેડીએ આ ઘટનાને ભ્રમણા અને મજાક સમજી આખીય વાતને નજરઅંદાજ કરી દીધી હતી
અમેરિકાના પૂર્વ પ્રમુખ અબ્રાહમ લિંકનની ઈ.સ. ૧૮૬૫માં એક નાટયગૃહમાં જોન વિલ્કેસ બૂથ નામના માણસે ગોળી મારીને હત્યા કરી નાખી હતી. એ પછી લિંકનના કોફિનને એક ખાસ ટ્રેન દ્વારા આમ જનતાનાં દર્શન માટે અમેરિકાનાં બધાં મુખ્ય નગરોમાંથી પસાર કરવામાં આવ્યું હતું. દરેક રેલવે સ્ટેશન પર ટ્રેન આઠ મિનિટ ઊભી રહેતી હતી. આ ટ્રેન પસાર થયા બાદ રાત્રે નવ વાગ્યે અમેરિકાનાં બધાં રેલવે સ્ટેશનો પર ફરી એક વાર કાળા રંગની ટ્રેન દેખાઈ હતી. તેમાં પણ લિંકનનું કોફિન જોવા મળ્યું હતું. છેલ્લા ડબ્બામાં કેટલાક નરકંકાલ વિભિન્ન વાદ્યયંત્ર વગાડતા જણાયા હતા. એ પછી સમય ગુજરતો ગયો. બેન્જામિન હેરીસન જ્યારે અમેરિકાના પ્રેસિડેન્ટ બન્યા ત્યારની એટલે કે ઈ.સ. ૧૮૮૯ની આ વાત છે. તેઓ ટેક્સાસ જવાની તૈયારી કરી રહ્યા હતા અને તેમનો અંગત સિક્યુરિટી ગાર્ડ જોન કેની પણ પોતાની રિવોલ્વર સાફ કરી રહ્યો હતો. ત્યારે રાતના સમયે તેના રૂમના મુખ્ય દ્વાર પર એક વ્યક્તિ ઊભેલી દેખાઈ. કેવી સમજ્યો કે પ્રેસિડેન્ટે તેને બોલાવવા કોઈ વ્યક્તિને મોકલી છે, પરંતુ એ કાંઈ પૂછે તે પહેલાં પેલો આદમી તેનો લાંબો કાળો કોટ સરખો કરી એક દીવાલમાં અદૃશ્ય થઈ ગયો. કેનીએ જોયું તો એ અબ્રાહમ લિંકનનું ભૂત હતું. ૧૮૯૦થી ૯૩ સુધીમાં કેનીએ ૩૩ વાર લિંકનનું ભૂત જોયું હતું. લિંકનનું ભૂત ખૂબ નારાજ નજરે કેનીને જોતું હતું. કારણ એ હતું કે જોન કેની આ પહેલાં લિંકનનો અંગરક્ષક હતો. એને લાગ્યું કે લિંકન તેમના મૃત્યુનું કારણ મારી લાપરવાહી માનતા હતા. છેક ૧૮૯૪માં બાલ્ટીમોરમાં કેટલાક ભૂત વિશેષજ્ઞોની મદદથી કેનીએ આહ્વાન કર્યું, "શ્રીમાન લિંકન, કૃપા કરીને મને છોડી દો. હું અત્યારે પ્રેસિડેન્ટ બેન્જામિન હેરીસનની રક્ષા કરી રહ્યો છું." એ પછી લિંકનના ભૂતે જોન કેનીને કદી પરેશાન કર્યો નહોતો. હવે ૧૯૩૪ની વાત. એ વખતના અમેરિકાના પ્રેસિડેન્ટ ફ્રેન્ક્લીન રૂઝવેલ્ટે નક્કી કર્યું કે હવેથી તેઓ વ્હાઇટ હાઉસના બીજા માળે આવેલા શયનખંડનો સૂવા માટે ઉપયોગ કરશે. આ માટે તેમણે વ્હાઇટ હાઉસની મહિલા સુપરવાઇઝર મેરી એર્લેનને બેડરૂમની સાફસૂફી કરવા સૂચના આપી, પરંતુ થોડી જ વારમાં તે ચીસો પાડતી બહાર આવી. "અંદર તો અબ્રાહમ લિંકન બેઠેલા છે. તેમણે કાળો કોટ પહેરેલો છે, હું તો ગભરાઈ જ ગઈ." આ સાંભળી વ્હાઇટ હાઉસનો બીજો સ્ટાફ શયનખંડ જોવા ગયો, પરંતુ લિંકનનું ભૂત ગાયબ હતું. પ્રેસિડેન્ટ રૂઝવેલ્ટે આ બીના જાણી ત્યારે તેમણે એવું અનુમાન કર્યું કે અબ્રાહમ લિંકનને શાયદ એ બેડરૂમ માટે વિશેષ લગાવ હતો. એ દિવસે તો રૂઝવેલ્ટ બીજા માળના એ શયનખંડમાં સૂવા ગયા નહીં, પરંતુ તેમણે ફરી એ જ બેડરૂમની સાફસૂફી કરાવી. આ વાતના ઘણા સમય બાદ પ્રેસિડેન્ટ રૂઝવેલ્ટે રેડિયો ઇન્ટરવ્યૂમાં જણાવ્યું કે, "મેં ઘણી વાર લિંકનને મારા બેડરૂમમાં જોયા છે. તસવીરમાંથી બહાર આવી દીવાલમાં અદૃશ્ય થઈ જતાં રુઆબદાર લાગે છે, પરંતુ ગમે તે કારણસર તેમના ચહેરા પર દુઃખની લકીરો તો જણાય જ છે." ઈ.સ. ૧૯૪૫માં પ્રેસિડેન્ટ રૂઝવેલ્ટનું રહસ્યમય સંજોગોમાં મૃત્યુ થઈ ગયું. કહેવાય છે કે દર વર્ષે એપ્રિલ મહિનામાં લિંકનનું ભૂત વ્હાઇટ હાઉસમાં અવશ્ય જોવા મળે છે, કારણ કે આ મહિનામાં જ તેમની હત્યા થઈ ગઈ હતી. એક વાર બ્રિટનના વડાપ્રધાન સર વિન્સન ચર્ચિલ અમેરિકામાં પ્રેસિડેન્ટના મહેમાન બન્યા હતા. તેમને વ્હાઇટ હાઉસના બીજા માળે એ જ શયનખંડમાં ઉતારો આપવામાં આવ્યો હતો. રાત્રે કોઈ અવાજ આવતાં તેઓ જાગી ગયા. ચર્ચિલે જોયું તો બેડરૂમની ખૂણા પરની ખુરશીમાં અબ્રાહમ લિંકનનું ભૂત બેઠેલું હતું. હિટલરને હંફાવનાર ચર્ચિલ અહીં લિંકનનું ભૂત જોઈ ગભરાઈને બહાર દોડી આવ્યા હતા. એ જ રીતે એક વાર નેધરલેન્ડના એ વખતનાં મહારાણી વિલ્હેમીના પણ વ્હાઇટ હાઉસના મહેમાન બન્યાં હતાં. ક્વીન વિલ્હેમીનાને પણ બીજા માળનો એ જ બેડરૂમ આપવામાં આવ્યો હતો. તેઓ રાત્રે ભરનીંદરમાં હતાં ત્યારે જ કોઈએ બારણું ખટખટાવ્યું. એમને લાગ્યું કે પ્રેસિડેન્ટનો અર્જન્ટ મેસેજ લઈને કોઈ આવ્યું હશે. તેઓ પલંગમાંથી ઊભાં થયાં. બારણું ખોલ્યું તો સામે લિંકનનું ભૂત ઊભું હતું. ક્વીનના પગ સફેદ પૂણી જેવા થઈ ગયા. સખત ઠંડીમાં પણ કપાળે પરસેવો છૂટયો. ક્વીનના ચહેરા પરનો આઘાત જોઈને લિંકનના ચહેરા પર પણ પરેશાનીના ભાવ આવ્યા અને થોડી વારમાં લિંકનનું ભૂત અદૃશ્ય થઈ ગયું. બીજા વિશ્વયુદ્ધ દરમિયાન ઈ.સ. ૧૯૪૫માં અમેરિકાએ જાપાનના હિરોશીમા અને નાગાસાકી ખાતે પરમાણુ બોમ્બ ફેંક્યા હતા. આખા વિશ્વમાં હાહાકાર થઈ ગયો હતો. એ વખતે પણ વ્હાઇટ હાઉસમાં લિંકનનું ભૂત કંઈકેટલી વાર જોવા મળ્યું. કહેવાય છે કે લિંકનના ભૂતના ચહેરા પર પારાવાર દુઃખ હતું. તેમને અમેરિકાનું એ પગલું ગમ્યું નહોતું. ઈ.સ. ૧૯૫૦ પછી લિંકનનું ભૂત સામાન્ય રીતે દેખાતું બંધ થઈ ગયું, પરંતુ અમેરિકાના પૂર્વ પ્રેસિડેન્ટ જ્હોન એફ. કેનેડીની હત્યાના થોડા દિવસ પહેલાં લિંકનનું ભૂત વ્હાઇટ હાઉસમાં દેખાયું હતું. કહેવાય છે કે લિંકનના ભૂતે પ્રેસિડેન્ટ કેનેડીને બંદૂકની ગોળીઓથી બચવા સલાહ આપી હતી, પરંતુ કેનેડીએ આ ઘટનાને ભ્રમણા અને મજાક સમજી આખીય વાતને નજરઅંદાજ કરી દીધી હતી. આશ્ચર્યની વાત એ છે કે પોતાના મૃત્યુ પહેલાં ખુદ અબ્રાહમ લિંકને વ્હાઇટ હાઉસમાં કેટલીય વાર ભૂતો જોયાં હતાં. લિંકનનો મૃત પુત્ર એલેક્ઝાન્ડર પણ વ્હાઇટ હાઉસમાં કેટલીય વાર દેખાયો હતો. પ્રેસિડેન્ટ ગ્રોવર ક્લેવલેન્ડની પત્નીએ વ્હાઇટ હાઉસમાં એક પુત્રને જન્મ આપ્યો હતો. તેમને પોતાના પુત્ર માટે બેહદ પ્રેમ હતો. એક દિવસ અચાનક વ્હાઇટ હાઉસમાં જ પુત્ર મૃત્યુ પામ્યો. એ પુત્રનું ભૂત પણ કેટલીય વાર વ્હાઇટ હાઉસમાં જોવા મળ્યું હતું. વ્હાઇટ હાઉસના એક અજ્ઞાત કર્મચારીનું ભૂત પણ પ્રેસિડેન્ટના નિવાસના કિચનમાં કેટલીય વાર દેખાયું હતું. વ્હાઇટ હાઉસ સાથે સંકળાયેલી પ્રેમ કહાણીઓ અનેક છે. અલબત્ત, લિંકનનું ભૂત કેટલાંય વર્ષોથી જોવા મળ્યું નથી. પ્રેત વિશેષજ્ઞો માને છે કે લિંકનના પ્રેતાત્માને હવે પ્રેતયોનિમાંથી છુટકારો મળી ગયો હોવો જોઈએ.